Этнокултуура киинин сонуннара

Мордовская Н.И. салайааччылаах «Саха төрүт культурата» куруһуок иитиллэччилэрэ бэс ыйын 20-21 күннэригэр Чурапчы улууһугар ыытыллыбыт республиканскай «Олоҥхо» ыһыаҕар эдэр олоҥхоһуттар күрэхтэригэр кыттан үрдүк ситиһиилэннилэр. Ол курдук, Данилов Марк Гран-При үрдүк аатын сүгэн Париж куоракка путевканан наҕараадаланна. Софронов Арчын уонна Скрябин Егор 5000-лыы сууммалаах сертификатынан наҕараадаланнылар. Данилов Марк олоҥхону толоруутун үрдүктүк сыаналаан, ГТРК «Хотугу сулус» биэриигэ анаан уһуллулар. Маны тэҥэ Софронов Арчын, Васильев Кирилл, Семенов Ганя аан дойдутааҕы «Музыка для всех» конгресска кыттыыны ыллылар. 

Etno ris2015 1

Бэс ыйын 5 күнүгэр Нам улууһун 1 Хомустаах нэһилиэгэр өрөспүүбүлүкэтээҕи «Туос түьүлгэтэ» семинар бырааһынньыкка «Утум» студия иитиллээччилэрэ (салайааччы Гермогенова Т.О.) үрдүк көрдөрүүнү ситистилэр: «Туос уус-уран оҥоьук» көрүҥҥэ — Москвитина Саина 2 м; «Туос сувенирдар» көрүҥҥэ — Михайлова Лариана 1 м., Аманатова Надя 2 м., Иванова Сандаара 3 м буоллулар. Ону тэнэ от ыйыгар Сочига ыытыллыбыт VI аан дойдутааҕы фестиваль-күрэххэ Михайлова Лариана 2 степеннээх лауреат, Аманатова Надя 3 степеннээх лауреат буоллулар. Бу күрэххэ «Утум» студия иитиллээччилэрэ «Художественное и декоративно-прикладное творчество» номинацияҕа Гран — При үрдүк аатын ыллылар.
От ыйын 1-2 күннэригэр Мэнэ-Хаҥалас улууһун Майа сэлиэнньэтигэр ыытыллыбыт республиканскай учууталлар дьаарбаҥкаларыгар «Уран уустар түһүлгэлэрэ» бөлөххө Яковлева Л.А. («Сахалыы иис» студия салайааччыта) дипломунан, Климова А.И. («Волшебные узоры» студия салайааччыта) бочуоттаах Грамотанан наҕараадаланнылар. Ону таһынан, Лена Александровна норуот маастара Попова З.И. аатынан «Уран иис» номинация кыайылааҕынан буолла.

Etno ris2015 2

Etno ris2015 3

Жиркова А.С. салайааччылаах «Этигэн хомус» Саха Республикатын көрдөрүүлээх ансаамбылын улахан бөлөҕүн иитиллээччилэрэ Бүтүн Россиятааҕы «Океан» лааҕырга «Школа добра» сменаҕа сынньанан кэллилэр, ону тэҥэ «Российский восход» фестивальга кыттыыны ыллылар. Ансаамбыл кэскиллээх солиската Петрова Настя «Артек» лааҕырга сынньанна, «Музыкальные инструменты» номинацияҕа 1 миэстэни ылла. Атырдьах ыйын 25-30 күннэригэр ыытыллыбыт аан дойдутаа5ы «Музыка для всех» конгресска «Этигэн хомус» ансаамбылтан уопсайа 13 оҕо кытынна. Ансаамбыл о5олоро Туймаада ыьыаҕар хомусчуттар күрэхтэригэр кыттан, 1 степеннээх лауреат буолары ситистилэр, солистка Николаева Венера оҕолор ортолоругар 3 степеннээх лауреат буолла.

Etno ris2015 4

Габышева Л.В. «Мода и стиль» студиятын иитиллээччилэрэ Винокурова Лиля Намнааҕы педагогическай колледжка, Тумусова Мичийэ Дьокуускайдааҕы художественнай дизайн колледжыгар үөрэнэ киирдилэр.  

Васильева А.И.

Предыдущая новость
Следующая новость

Добавить комментарий