“Дьулусхан” фольклор студиятын уһуйааччыта Петрова М.М. авторскай семинар-практикумун тэрийэр

Дьокуускай куораттааҕы оҕо айымньытын Дыбарыаһын иһинэн үлэлиир этнокултуура киинэ төрөөбүт тыл күнүгэр 6-с сылын Үөрэҕи сайыннарар уонна учууталлар идэлэрин үрдэтэр институту кытта “Норуот ырыатын ымыы оҥостон…” Саха республикатын үөрэҕириитин туйгуна, үрдүк категориялаах “Дьулусхан” фольклор студиятын уһуйааччыта Петрова М.М. авторскай семинар-практикумун тэрийэр.

“Дьулусхан” фольклор студиятын сүрүн уратыта – араас омук оҕотун саха култууратыгар сыһыарыы. Уһуйааччы киин үлэтин ис хоһоонуттан сиэттэрэн бэйэ култууратыттан аан дойду култууратыгар тахсар тосхолу тэрийэр. Саха култууратын сэҥээрэр, төрөөбүт тыл тыыннаах хааларын туһугар туруулаһар учууталы, уһуйааччыны, төрөппүтү олунньу 13 күнүгэр Ем.Ярославскай аатынан кыраайы үөрэтэр музей балаҕаныгар 09.30 ыҥырабыт.