“Этигэн хомус” ситиһиитин төрдө

Бу күннэргэ оҕо айымньытын дыбарыаһыгар Жиркова А.С. салайааччылаах “Этигэн хомус” норуодунай кэллэктиип сүрүн бөлөҕүн оҕолоругар холбоһуктаах дьарык буолан ааста.

Дьарык сыала-соруга: Араас таһымнаах күрэхтэргэ кыттыыны ырытыы, санаа атастаһыыта, аһаҕас кэпсэтии.

Дьарык кырдьаҕас тойуксут Матрена Ильина “Хомус барахсан” репертуарынан эҕэрдэлэһиинэн саҕаланна. Оҕолор быйылгы сылга түөрт улахан күрэххэ кыттыыларын, “Хомус дьүрүскэн дорҕооно”, “Дьиэрэй хомуһум-2022”, “Хоровод  дружбы” күрэх чэрчитинэн “Муус устар” фестиваль уонна “Дьүрүһүй хомуһум” туһунан аһаҕастык кэпсээтилэр. Ванесса Максимов- “Мин маннык күрэхтэргэ кыттыым хомуска тардыыны баһылыырым таһынан киһи быһыытынан сайдыыбар көмөлөһөр”, -диэн санаатын үллэһиннэ.

Маны таһынан Ярослав Ядреев россия ханаалыгар ыытыллар “Поле чудес” күрэххэ баран сахатын хомуһунан дьүрүһүтэн, киэн туттуутун биллэрдэ. Салайааччы Агния Спиридоновна  ханнык да сатабылы баһылаабыккыт иннигэр киһилии киһи — дьоҥҥо махталлаах буолуу диэн оҕолорго муударай сүбэтин биэрдэ.

Дьарык ыалдьыттара төрөппүттэр, эдэр уһуйааччылар сыллааҕы дьарык түмүгүнэн оҕолор таһымнара үрдээбитин көрөн, астынан тарҕастылар.

Предыдущая новость
Следующая новость