Хомус аан дойдутааҕы киинэ уонна түмэлигэр 2 «б» кылаас сырытта

Ф.И.Авдеева аат. о5о айымньытын дыбарыаһын алын сүһүѳх оскуолатын 2Б кылааһын о5олоро фольклор куруһуогар дьарыктаналлар. Куруһуокка норуот тылынан уус-уран айымньытын үѳрэтииттэн таһынан түмэллэргэ сылдьыыны, интэриэһинэй дьоннору кытта кѳрсүүнү, тыйаатырга сылдьыыны тэрийэбит.

Бу сыл дьарыкпыт интэриэһинэйдик са5аланна, ол курдук бала5ан ыйын 19 күнүгэр о5олор хомус түмэлигэр сырыттылар. Билэрбит курдук, бу түмэл  хомус туһунан толору кэпсиир Аан дойдуга со5отох түмэл буолар. Баай экспонаттар о5олор интэриэстэрин, бол5омтолорун тартылар: ол курдук, араас норуоттар хомустарын биллилэр, саамай кыра хомуһу сѳхтүлэр, саамай ыарахан сыаналаах хомус хайдах буоларын кѳрдүлэр уонна космоска тахсан дьүрүскэн тыаһын иһитиннэрбит хомуска харахтарын хатаатылар.

Маны барытын о5о5о тиийэр гына сүрдээх интэриэһинэйдик кэпсээтэ хомус түмэлин научнай-сэкэрэтээрэ, виртуоз хомусчут – Эркин Алексеев. О5олорго бэйэлэрин норуоттарын культууратын билэргэ дьулуһалларыгар ба5а санаатын эттэ уонна хомуһун ылан дьикти дор5ооннору кулуһутан оонньоон барбытыгар, бары да алыптаах тыаска уйдаран, күннээ5и түбүктэн тэйэн, сырдаан, чэпчээн о5олуун-улаханныын олус астынныбыт. Түмүккэ о5олор Аан дойдуга баар саамай улахан быһыылаах хомуһу ытыстарынан тутан ба5а санааларын эттилэр уонна бу үйэлэри уҥуордаан илдьэ кэлбит алыптаах хомуспут хайаан да ба5а санаабытын толоруо диэн итэ5эйдилэр.

Предыдущая новость